Foreldrafundur

Barna- og unglingaráð HK boðar hér með til foreldrafundar vegna komandi tímabils á miðvikudaginn 8.10.2008 kl. 20.00 í Fagralundi.

Dagskrá fundar:
• Æfingatafla kynnt
• Æfingagjöld
• Þjálfarar flokkanna kynntir
• Myndun umsjónarráða flokkana.

Við skorum á alla foreldra að mæta til að kynna sér starf næsta tímabils.

Gott væri að foreldrar ræddu saman sín á milli fyrir fund hverjir eru áhugasamir að koma að umsjónarráðum flokkana, sem er bæði skemmtileg og gefandi

hlutverk.
Kaffi verður á könnunni

Mætum öll ☺
Með góðri kveðju
Stjórn barna og unglingaráðs knattspyrnudeildar HK

 

 

Takk fyrir síðasta tímabil!

Kæru foreldrar, þjálfarar og stjórn barna- og unglingaráðs.

Nú þegar vetrarstarf fótboltans hjá HK er að byrja og sumir drengjanna að færast upp um flokk, langar okkur að þakka fyrir síðasta árið. Við fjölskyldan erum flutt til Kuala Lumpur, Malasíu og verðum hér a.m.k. fram að áramótunum 2009/10. Sigurður Örn verður því fjarri góðu gamni en heldur sér í æfingu hér og kemur sterkur til leiks með HK þegar hann kemur heim.

Okkur langar til að þakka Ómari Inga fyrir góða þjálfun hjá strákunum og eigum við eftir að sakna hans, enda einstaklega góður drengur þar á ferð.

Sömuleiðis öðrum foreldrum í félaginu, þeim þökkum við fyrir samstarfið og félagsskapinn á liðnu ári.

Barna- og unglingaráð fær sömuleiðis góðar þakkir og gott að vita til þess að starfið hjá HK er í góðum höndum. Við hlökkum svo til að koma aftur í eldrauða HK-efri byggð þegar við flytjum upp að Vatnsenda :)

Starri og Inga Dís koma til með að klára tímabilið fyrir okkur, þangað til skiptingin á umsjónarmönnum á sér stað, þannig að ef þið hafið einhverjar spurningar eða tilkynningar, vinsamlegast snúið ykkur til þeirra. [e-mail] og [e-mail] . Haukur mun svo einnig starfa áfram, þannig að þið getið áfram haft samband við hann í [e-mail]

Bestu kveðjur,

Óli, Rósa, Sigurður Örn og Sonja Margrét

Haustæfingar

Núna þegar skólinn byrjar hætta hádegisæfingarnar sjálfkrafa.

Æfingar næstu vikurnar verða sem hér segir:

Þriðjudagar kl. 17:15 í Fagralundi

Fimmtudagar kl. 17:15 í Fagralundi

Þetta verður ákveðið millibilsástand og því mun þessi æfingatími einungis gilda í stuttan tíma (ca 3 vikur)Allar breytingar verða að sjálfsögðu kynntar foreldrum með tölvupósti og hér inni þegar þar að kemur.

Kv. umsjónarmenn

 

Lokanámskeið knattspyrnuskólans

Knattspyrnuskóli HK

Vikuna 11-15 ágúst verður síðasta námskeið sumarsins haldið. Á þessu námskeiði munu leikmenn Meistaraflokks HK hjálpa til og mæta til þess að leiðbeina krökkunum og gefa þeim góð ráð. Í lok námskeiðisins verður svo grillveisla þar sem hægt verður að vinna áritaðar keppnistreyjur og leikmaður Íslenska landsliðsins kemur í heimsókn.

Námskeiðið er frá 9-12 í Fagralundi fyrir aldurinn 6-12 ára og er verðið fyrir það 4000 krónur

Hægt er að skrá með því að senda helstu upplýsingar á [e-mail] eða mæta í Fagralund mánudaginn 11.ágúst

Umsjónarmenn námskeiðs eru Ómar Ingi Guðmundsson og Hermann Geir Þórsson

Við hvetjum auðvitað strákana okkar til að mæta á þetta frábæra námskeið og enda sumarið með stæl!

bestu kveðjur,

Umsjónarmenn

Ekkert Fjölnismót :(

Því miður verður ekkert af því að strákarnir okkar taki þátt í Fjölnismótinu sem verður haldið þessa helgi. Það fylltist strax á það og því ekkert pláss fyrir flotta HK-stráka þar (þeir hafa örugglega bara verið hræddir við okkur, hehe)
Það er hins vegar verið að vinna í því að fá einhverja leiki fyrir strákana í miðri næstu viku svona til að bæta þeim þetta upp. Við munum láta vita af því þegar nær dregur hvort af því verði.
Kv. umsjónarmenn

Æfingafrí um verslunarmannahelgina

Eins og síðustu ár verður frí á æfingum í kringum verslunarmannahelgina.
Frí verður á æfingum á fimmtudag fyrir verslunarmannahelgina og á mánudeginum.
Næsta æfing er því á þriðjudaginn n.k. kl. 12:30
Kv. Þjálfarar og umsjónarmenn

Fjölnismót 9. ágúst - Könnun á áhuga á þátttöku

 Laugardaginn 9.ágúst verður haldið á Fjölnisvelli Landsbankamótið í 7.flokki karla og kvenna.

 Leikið verður í A, b, c og d í 7.flokki karla en a og b lið i 7.kvenna.
 Leiktiminn verður 12 til 15min(fer eftir fjölda liða).
 Ekki verða skráð úrslit.
 Spilað verður á grasvöllum félagsins við Dalhús.
 Mótsgjaldið er 1.500 kronur á hvern leikmann og er innifalið í því verðlaunapeningur,mótsgjald og grill.
 Dómgæslan verður í höndum meistaraflokks Fjölnis.

Ómar Ingi vill kanna áhuga fyrir þessu móti hjá foreldrum og eru þeir sem komast á þetta mót beðnir um að láta hann vita með tölvupósti á netfangið [e-mail] .

Í framhaldi af því mun hann taka ákvörðun um hvort við sendum lið á þetta mót, en hann mun einungis skrá lið á mótið fáist næg þátttaka.

Vinsamlegast svarið honum því sem fyrst.

Kv. umsjónarmenn. 

Breiðablik-HK

Minnum á leik Breiðabliks og HK á Kópavogsvelli kl. 20 á eftir. Þetta eru auðvitað alltaf aðalleikir ársins hér í Kópavogi.
Vonumst til að sjá sem flest ykkar í réttu litunum.
Kv. umsjónarmenn

Byr auglýsing

Kæru foreldrar

Við fengum þennan póst sendan til okkar í vikunni.  Þar sem Byr er aðalstyrktaraðili HK viljum við hvetja þá sem geta til að taka þátt í gerð þessarar auglýsingar.

Endilega sendið staðfestingu á [e-mail] ef þið hafið áhuga á að taka þátt.

Kv. umsjónarmenn. 

Góðan dag!

Nú hefur dagsetning verið ákveðin fyrir tökur á Byr-auglýsingunni. Á föstudaginn í næstu viku (18. júlí) ætlum við að taka höndum saman og gera flottustu auglýsingu fyrr og síðar. Og ef að veðurspáin svíkur okkur á föstudaginn stefnum við á miðvikudaginn 16. júlí. Gott væri því að taka þessa tvo daga frá.

Eins og áður hefur komið fram er aðalleikari auglýsingarinnar enginn annar en Páll Óskar Hjálmtýsson. Allir krakkar þurfa að koma í hefðbundnum skólafatnaði, gallabuxum, bol, skyrtu o.s. frv. Klæðnaðurinn má alls ekki vera merktur íþróttafélögum eða fyrirtækjum.  Nákvæmar tímasetningar verða tilkynntar síðar en við gerum ráð fyrir að taka heilan dag í þetta.

Það þarf varla að taka það fram að þetta verður alveg rosalega gaman; fullt af fólki, Páll Óskar og frábær stemmning!

Allir sem mæta síðan á svæðið fá sendan óvæntan glaðning heim til sín!

Gallar fyrir þá sem ekki fóru á Skagamótið

Kæru foreldrar

Eins og þið vitið flest fór stór hluti 7. Flokks HK á Skagamótið fyrir tæpum þremur vikum.

Í vetur var gengið frá pöntunum á peysum og buxum sem strákarnir fóru í á mótið. Einhverjir gengu frá pöntun á galla þrátt fyrir að taka ekki þátt í Skagamótinu og eru gallarnir fyrir þá stráka tilbúnir til afgreiðslu.

Gallarnir eru til afgreiðslu hjá umsjónarmönnum flokksins og þyrfti að greiða þá sem fyrst því við þurfum að gera þá upp fljótlega. Verðið fyrir gallana er 6000 krónur og skal leggjast inn á reikning 303-26-820, kt. 160176-3699.  Það er mjög mikilvægt að fram komi í skýringu nafn drengsins.

Vinsamlegast hafið samband við Rósu (sími 895-9539) ef þið viljið nálgast gallana.

Með bestu kveðjum og von um skjót viðbrögð,Umsjónarmenn

P.s. Einhverjir pöntuðu bara peysur og/eða aukapeysur fyrir foreldra og er hægt að nálgast upplýsingar varðandi verð o.fl. hjá Rósu (sjá gsm hér að ofan, eða á maili: [e-mail])