Úrslit leikja úr Fífunni

Strákarnir okkar mættu hressir og kátir í Fífuna í dag og stóðu sig frábærlega sem fyrr.

 

Úrslit leikja voru sem hér segir:

A-lið:

HK-FH:  1-1 (markið skoraði Kolbeinn)

HK-Valur:  1-1 (markið skoraði Orri)

HK-ÍR:  0-0

B-lið:

HK-FH:  0-5

HK-Valur:  Vantar úrslit (endilega sendið póst ef þið eruð með úrslitin)

HK-ÍR:  1-0 (markið skoraði Ívar)

C-lið:

HK-FH: 0-1

HK-Valur:  0-1

HK-ÍR:  0-4

D-lið:

HK-FH:  0-4

HK-Valur:  2-0 (bæði mörkin skoraði Kári Tómas)

HK-ÍR:  1-1 (markið skoraði Elías Geir)

 

Foreldrarnir stóðu sig líka frábærlega í sjoppunni.  Það hefur sjaldan sést þvílíkt magn af góðgæti í húsinu og þetta jafnaðist á við ágætis fermingarveislu.  

Klapp fyrir öllum í lok dagsins...

Kv. umsjónarmenn

 

 

 

 

Fjáröflun á mótinu um næstu helgi

Kæru foreldrar

Eins og við öll vitum er ekki ókeypis að senda þessar elskur upp á Skaga.  Þess vegna ætlum að vera með sjoppu á mótinu á sunnudaginn og selja samlokur, kökur og svala, enda hefur svona sjoppurekstur ávallt skilað okkur góðum pening.

Þið ykkar sem sjáið ykkur fært um að koma með kökur, pönnukökur, brauð, eða hvað eina, endilega leggið ykkar af mörkum.  Margt smátt gerir eitt stórt og ef allir mæta með eitt hvað með sér  verðum við með nóg að selja. 

Okkur vantar einnig einhvern með okkur til að standa vaktina, þannig að ef einhver sér sér fært að aðstoða okkur væri öll slík hjálp vel þegin.  Þá vantar okkur einnig samlokugrill á svæðið svo hægt sé að moka út fullt af samlokum.

Rósa (semiumsjónarmaður) verður niðri í Fífunni á morgun í mátuninni og það væri gott ef þið settuð ykkur í samband við hana ef þið getið eitthvað hjálpað til, hvort sem það væri að koma með eitthvað eða aðstoða við söluna.

Með von um góð viðbrögð,

umsjónarmenn 

Mótið um næstu helgi

Minnum á mótið sem fram fer í Fífunni n.k. sunnudag. 

Mæting hjá strákunum er kl. 13:45.  Mótið hefst svo kl. 14 og er gert ráð fyrir að því verði lokið um kl. 16.  Búningar á staðnum fyrir strákana (treyja og buxur) en þeir koma sjálfir með legghlífar, sokka og skó.

Þeir sem ekki komast vinsamlegast tilkynnið forföll til Ómars Inga í síma 867-1118 eða sendið honum póst á [e-mail]

Umsjónarmenn 

Mátun á peysum fyrir Skagamótið

Á fimmtudaginn eftir æfinguna verður mátun á peysunum sem strákarnir verða í á Skagamótinu í sumar.  Þetta eru mjög góðar hettupeysur, hlýjar og flottar og verulegt notagildi í þeim.  Verða þær allar merktar með HK merkinu og nafninu þeirra og svo er verið að vinna í því að fá auglýsingar á þær til að ná verðinu niður.  Þetta verða sömu peysur og 5. og 6. flokkur mætir  í á sín mót í sumar þannig að þeim á ekki eftir að þykja leiðinlegt að vera eins og stóru strákarnir

Sem fyrr verður það verðu hægt að kaupa á peysur fyrir systkini og/eða foreldra og auðvitað væri skemmtilegast að sjá sem flesta í rétta gallanum uppi á Skaga að hvetja strákana okkar

Á staðnum verður líka hægt að máta hnébuxur sem passa við peysuna.

Kv. umsjónarmenn

Sameiginleg æfing í Kórnum

Minnum á sameiginlegu æfinguna í Kórnum í fyrramálið milli kl. 9 og 10.
Eins og kom fram í gær munu strákarnir keppa sem eitt lið á öllum mótum sem framundan eru og því gott að leyfa þeim að kynnast sem mest.

Kv. umsjónarmenn

Fundurinn í gær

Eins og flest ykkar vita var haldinn fundur í Fífunni í gær þar sem farið var yfir það helsta sem er framundan og langaði okkur að taka saman helstu dagsetningar fyrir fólk.

2. mars - Æfingamót í Fífunni

9. mars - Æfingamót í Garðabæ eða Hafnarfirði

12. mars - Páskabingó með 6. flokki, haldinn í Snælandsskóla

Apríl/maí - Faxaflóamót og æfingamót hjá Aftureldingu

20. - 22. júní - Kaupþingsmótið á skaganum

Þetta verður svo auðvitað allt auglýst nánar þegar nær dregur.

Ómar Ingi þjálfari talaði um að ætlunin væri að strákarnir í Fagralundi og Kórnum myndu keppa saman sem eitt lið á öllum þessum mótum. Við ætlum að vera þetta dugleg að taka þátt í þessum æfingamótum, auk þess sem ætlunin er að halda nokkrar sameiginlega æfingar fyrir strákana þannig að strákarnir verði orðnir vel samstilltir á aðalmóti sumarsins á Akranesi. Sameiginlega æfing fyrir strákana er einmitt núna á laugardaginn, uppi í Kór milli kl. 9 og 10.

Ómar talaði einnig um það að æfingatímarnir sem nú eru í gangi muni haldast fram á vor og eftir páska muni einnig bætast inn ein æfing á gervigrasinu í Fagralundi.

Við minnum foreldra á að allt þetta sem framundan er gerist ekki að sjálfu sér. Við viljum því leita til ykkar allra með ósk um aðstoð. Öll aðstoð er vel þegin :)

Með bestu kveðju,
umsjónarmenn

Frí á þriðjudag - fundur á fimmtudag

Á morgun þriðjudag er frí á æfingu líkt og í skólanum, þannig að næsta æfing
er fim.7.febrúar, en þá ætlum við þjálfararnir ásamt foreldraráði flokksins
að halda foreldrafund í Fífunni kl.17:45.

Á fundinum verður rætt um mót og annað slíkt fyrir næsta sumar (Skagamótið)
og einnig verður kláruð skráning á þeim sem eru í flokknum. Mjög mikilvægt
er að sem flestir mæti á fundinn.

Einnig verður farið yfir væntanlegt páskabingó sem verður haldið í byrjun
mars, en í fyrra heppnaðist bingóið ótrúlega vel og ætlum við að sjá til
þess að það verði ekki síðra nú í ár.

Svo laugardaginn 9.febrúar ætlum við að hafa æfingu í Kórnum kl.09:00-10:00
með þeim strákum sem að æfa fótbolta hjá HK í efri byggðum.

Kv. Þjálfararnir og umsjónarmenn

Úrslit leikja á þorramótinu

Þorramótið fór fram í dag eins og allir vita og stóðu strákarnir sig með ágætum og voru félagi sínu til sóma.

Úrslit leikja voru sem hér segir:

A-lið:
Afturelding - HK: 0-1
Stjarnan1 - HK: 4-0
Breiðablik1 - HK: 0-2
HK - Stjarnan2: 0-2
HK - Breiðablik2: 1-2

B-lið:
Afturelding - HK: 2-1
Stjarnan1 - HK: 4-0
Breiðablik1 - HK: 0-2
HK - Stjarnan3: 0-2
HK - Stjarnan2: 0-2

C-lið:
Breiðablik1 - HK: 1-2
HK - Stjarnan: 0-1
HK - Víðir: 0-0
HK - Breiðablik2: 0-2
HK - Afturelding: 0-3

D-lið:
Breiðablik1 - HK: 4-4
HK - Stjarnan: 2-0
HK - Afturelding: 2-1
HK - Breiðablik2: 0-0
HK - Breiðablik3: 0-1

Vindjakkar afhentir á fimmtudaginn 24 jan

Sæl veriði, Vindjakkarnir verða afhentir á fimmtudaginn 24 jan milli 17 og 19 í Digranesi fyrir þá sem eru búnir að greiða ársgjaldið. Bestu kveðjur, umsjónarmenn

Þorramót HK og Breiðabliks

Næstkomandi laugardag ætla strákarnir að keppa á Þorramóti HK og Breiðabliks. Mótið verður haldið í hinni glæsilegur knattspyrnuhöll Kórinn og muna strákarnir okkar þar etja kappi við Víði, Stjörnuna, Aftureldingu og Breiðablik.

Mæting er sem hér segir:
Yngra ár (2001/2002): mæting kl. 9:30, keppni lokið um kl. 12.
Eldra ár (2000): mæting kl. 11:45, keppni lokið um kl. 15.

Sem fyrr fá strákarnir treyju á staðnum, en hver og einn sér um sokka, buxur/stuttbuxur og auðvitað skó fyrir sig.

Forföll tilkynnast beint til þjálfara í síma 867-1118 eða með tölvupósti á [e-mail]

Hlökkum til að sjá ykkur öll á sunnudaginn,
Umsjónarmenn