KFC-mótið

Eins og fram hefur komið ætlum við að fara á KFC mótið sem haldið verður á gervigrasvelli Þróttar í Laugardalnum núna næsta laugardag, þann 3. maí.

Þetta er stórt mót og strákarnir eru ekki allir að keppa á sama tíma.
Það er því mikilvægt að þeir sem hafa hug á að taka þátt tilkynni þátttöku til Ómars Inga þjálfara á [e-mail]. Nánari tímaupplýsingar verða svo sendar út þegar ljóst er hver þátttakan verður.

Þátttökugjald á mótinu er 1400 krónur og eru máltíð og verðlaun innifalin í því gjaldi.

Kv. umsjónarmenn

Skagamót - fjáröflun

Nú styttist óðum í Skagamótið og því orðið tímabært að huga að fjáröflun.  Mótið verður haldið dagana 20.-22. júní og fara fimm lið frá HK.  Á bloggsíðu mótsins eru góðar upplýsingar, sérstaklega fyrir þá sem eru að fara í fyrsta skiptið  http://kaupthingsmot.blog.is/blog/kaupthingsmot/  

.... og þá að fjáröfluninni

Á fjölmennum foreldrafundi þann 29. apríl var ákveðið að fara í tvenns konar fjáröflun, annars vegar sala á grillvörum frá Olís og hinsvegar dósasöfnun.

Grillvörurnar verða auglýstar núna í vikunni, þið getið svo lagt inn pöntun í næstu viku, í síðasta lagi á föstudaginn 9 maí, til Elínborgar, en hún mun sjá um Olís og verða vörurnar svo væntanlega afhentar í vikunni þar á eftir.

Allar vörur skal staðgreiða eða millifæra upphæðina á Elínborgu við afhendingu (nánari upplýsingar sendar seinna).

Dósasöfnunin verður laugardaginn 24 maí nk. og verður hist í Kórnum og Fagralundi klukkan 10, þið veljið þann stað sem hentar ykkur betur.

Lagt verður af stað 10:30 og tekur þetta ca. 2-3 tíma.

Ætlast er til að amk annað foreldrið mæti með strákunum.

Í Fagralundi og Kórnum fer talningin á dósunum fram, ásamt skráningu á strákunum.  Ágóðanum verður svo skipt milli þeirra sem tóku þátt í dósasöfnuninni.

Munið eftir að koma með ruslapoka, hanska og eitthvað til að merkja pokana með.

Einnig viljum við minna á að stofna reikning fyrir strákana í Byr, það auðveldar starf gjaldkera til muna, ásamt því sem Byr er stærsti stuðningsaðili HK og samstarfið felur í sér að reikningar fyrir iðkendur HK séu stofnaðir þar.

Með bestu kveðju,

Umsjónarmenn

Heklumót Fram í Safamýrinni - 1. maí

Heklumót Fram verður haldið 1. maí nk í Safamýrinni. Piltarnir eiga að mæta klukkan 9:30 og mótinu lýkur klukkan 12. Strákarnir fá HK treyju, en þurfa að koma með annan búnað sjálfir. Í lok móts er boðið upp á pylsur og djús.

Forföll tilkynnist til þjálfara: [e-mail]

HK-dagurinn

HK-dagurinn verður haldinn hátíðlegur þann 17. maí n.k.

Þá verða allir flokkar félagsins kynntir, strákarnir mæta allir í HK gallanum og við eigum góðar stundir saman. 

Nánari upplýsingar, tímasetningar og þess háttar verða sendar út þegar nær dregur.

Kv. umsjónarmenn

Fjáröflun fyrir Skagamótið

Komið hefur upp sú hugmynd að vera með frekari fjáröflun fyrir Skagamótið sem 7 flokkur er að fara á núna í júní.

Þeir sem hafa áhuga á að taka þátt í slíku geta mætt klukkan 17:45 á æfingunni í Fífunni á morgun þriðjudaginn 29 apríl.

Þetta er sniðug leið fyrir strákana til að taka þátt í því að fjármagna skagamótið.

Foreldrar stráka úr Kór og Fagralundi velkomnir.

Með bestu kveðju,

Umsjónarmenn 

Niðurtalning fyrir Skagamótið

Við viljum vekja athygli á því að hér vinstra megin á síðunni erum við að telja niður dagana þangað til við förum upp á Skaga. 

Það styttist óneitanlega í öll herlegheitin :)

Kv. umsjónarmenn

Týndir búningar

Á mótinu sem haldið var hjá Stjörnunni í mars s.l. virðist hluti búninganna hafa farið á eitthvert flakk.  Þeir sem vita eitthvað um þá vinsamlegast setji sig í samband við umsjónarmenn og/eða búningastjóra sem fyrst þar sem við erum að fara á mót á fimmtudaginn kemur.

Kv. umsjónarmenn

Mótin sem eru framundan

Eftirfarandi mót eru framundan hjá strákunum: 

1.maí er Kiwanis mót sem að Fram heldur á gervigrasvelli sínum í Safamýrinni og við ætlum að fara á. Þetta mót er frítt fyrir strákana og mun taka 2-3 tíma. Leikjaniðurröðun er ekki tilbúin

3.maí ætlum við að fara á KFC-mót Víkings sem haldið verður á gervigrasinu í Laugardal. Þáttökugjald þar er 1.400 kr. og mæting er hjá strákunum 11:30. Innifalið í mótsgjaldi er verðlaunapeningur og veitingar á staðnum eftir mót.

31.maí förum við svo á Landsbankamót Aftureldingar í Mosfellsbæ og læt ég vita þegar frekari upplýsingar um það mót koma

Endilega látið þjálfara vita ([e-mail]) sem fyrst ef þið vitið að það er eitthvað af þessum mótum sem þið komist ekki á

Með bestu kveðju,

Umsjónarmenn

Útiæfingar á gervigrasinu

Útiæfingar á gervigrasinu verða framvegis á föstudögum milli 16:30 og 17:30 niðri í Fagralundi.
Munið að klæða strákana eftir veðri.
Kv. umsjónarmenn

Mótið 9. mars

Minnum á mótið sem strákarnir ætla taka þátt næsta sunnudag, 9. mars.  Það verður haldið  á Stjörnuvelli í Garðabæ sem er utanhúss gervigras.

Yngra ár(C og D lið) spilar ca frá 9:00-12:00 (mæting kl. 08:30)

Eldra árið (A og B lið) ca frá 12:00-15:00 (mæting kl. 11:30)

Mikilvægt að muna að klæða sig vel þar sem þetta er utanhúss og betra að mæta of vel klæddur en hitt!

Næsta æfing stendur í Fífunni kl.17:15 þrátt fyrir minnkaðar aðstæður vegna
árshátíðar Kópavogs um næstu helgi.

Bestu kveðjur,
Umsjónarmenn