Vinahittingur 7. flokks

Sæl öll,

til að hrista hópinn saman, ætlar 7. flokkur að hittast mánudaginn 19. maí nk. í Fagralundi, grilla pylsur, spila fótbolta og fara svo saman á leikinn HK-Keflavík, þar sem strákarnir leiða meistaraflokkinn inn á völlinn.

Þetta verður frábært tækifæri til að láta strákana (og foreldra!) úr Kórnum og Fagralundi hittast fyrir Skagamótið í sumar og kynnast örlítið betur. 

Dagskráin er eftirfarandi:

16:30 - æfing búin í Kórnum
17:30 - mæting í Fagralund (leikir og pylsugrill)
18:45 - lagt af stað frá Fagralundi
18:55 - mæting á Kópavogsvöllinn
19:15 - HK-Keflavík

Strákarnir mæta að sjálfsögðu í HK-búningunum.  Við verðum með búninga fyrir strákana til að ganga inn á völlinn en hver og einn verður að sjá um sokka og skó eins og venjulega og ekki væri verra ef þeir sem eiga stuttbuxur mættu í sínum þar sem stuttbuxurar eru ekki eins margar og treyjurnar. 

Við viljum vekja athygli á því að foreldrar þurfa að borga sig inn á leikinn.

Hver og einn mætir með pylsur og eitthvað að drekka fyrir sig og sína, grill verður á staðnum og umsjónarmenn mæta með sinnep, tómat og steiktan.

Gott skap er skilyrði, lofum engu með veðrið hinsvegar :)

Bestu kveðjur,

Umsjónarmenn